acheter un chien

بسم الله الرحمن الرحيم

موضوع للمبتدئين فى تربيه الكلاب
فى 3 نقط هنمشى عليهم فى الموضوع ده1

من فين تشتري الكلب


2
ايه احسن سن تشتري فيه الكلب


3
ازاي تختار الكلب (أهم نقطة)
.
.
.
.


بالنسبة للقاعدة رقم 1 : من أين تشتري الكلب.


هابدأ معاك بـ (من أين لا تشتري الكلب).
لا تشتري كلب من جرايد زي الوسيط(فى مصر) وغيره.
لا تشتري الكلب من محل تجارة حيوانات اليفة وعصافير وسمك وسلاسل وقطط واطباق واكل ارانب لتلات اسباب.
اولا انعدام التخصص في المجال (شوف شغال في كام سلعه ونوع من البضايع).
ثانيا دائما الاماكن دي مش بتكون بيئة صحيه ونضيفة...بالتالي الكلب عرضة لأي امراض سواء خارجية (جلدية) او داخليه.
ثالثا غلو الأسعار بحكم انه تاجر وعايز يكسب فيها..و في بلد زي مصر نسبة الربح بتوصل 400% بعض الأحيان.




طيب تشتري كلب منين ؟


البحث عن طريق المعارف والأقارب (يكون هو مربي و عنده مجموعة جراوي خلفه جديده)
بعض المزارع (مش كلها)
البحث على الانترنت...سواء المنتديات او مواقع الاعلانات المبوبة. و إنكنت افضل مواقع الاعلانات المبوبة عشان اللي عارض بيكون عنده كلب حلو وهومش عارف قيمته وتمنه ومعندهوش خبرة في الموضوع (على سجيته)...لكن بتاع المنتدى بيعمل ناصح.




بالنسبة للقاعده رقم 2 : أحسن سن لشراء الكلب.


في ناس بتحبذ ان الكلب يكون وصل سن ال 8 شهور...عشان يبقى ريح دماغه منمشاكل النمو والتغيرات المزاجية عند الانتقال من مرحلة (جرو) لـ (كلب).


طبعا الموضوع ده ليه عيوب برضو..


أهم فترة لتدريب الكلب سواء طاعه او شراسة..بتكون من سن 4 او 3 شهور للطاعه..و سن 6 شهور للشراسة.
والكلب لو لم يتدرب بالصورة الصحيحة في الفترة دي..بيكون في صعوبة شوية في تدريبه عند سن أكبر.


لذلك انا شخصيا وغيري كتير..بيفضل انه يجيب الكلب من سن 6 اسابيع او 8 بالكثير.






بالنسبة للقاعدة رقم 3 : كيف تختار الكلب (أهم نقطة).


هاتكلم عن طرق كثير تبينلك مدى جودة الكلب عند شراءه.


^*^*^*^*^*^*^*^*^*^*^*^*^*^


لو الكلب لسه مولود من فترة بسيطة و لسه تحت أمه بيرضع مع اخواته.


^*^*^*^*^*^*^*^*^*^*^*^*^*^
امسك كل الجراوي شيلهم من تحت أمهم وابعدهم عن مكان نومهم مع أمهم (البيت بتاعهم او الكرتونه).
و حطهم بعيد ل تقريبا نص دقيقه.
وخلي الأم تيجي تقعد تشم الجراوي وتشيلهم واحد واحد ترجعه مكانه (البيت او عالكرتونه)...
اول واحد تشيله الأم يبقى ده أحسن واحد وسط اخواته...و قس على ذلك باقي الجراوي بالتدرج في المستوى.


^*^*^*^*^*^*^*^*^*^*^*^*^*^

لو الكلب في عمر يسمح له بالمشي...يبقى خلي الكلب الكويس يدلك على نفسه ويقلك انا أهو...
هاتقلي ازاي هو الكلاب بتتكلم ؟؟


هاقلك لأ...الكلب الكويس هايجيلك لحد عندك بدون خوف (انت غريب عليه) ويقعد يشم فيك وممكن يعض في الشوز (الحذاء) بتاعك او يحاول يسحب طرف البنطلون. ويقعد يتحرك كتير..مش ثابت في مكانه وهادي.


اما لو الكلب راح وقف في زاوية بعيده او تحت طاولة او دولاب او كرسي...يبقى تنسى الكلب ده تماما ولا تفكر تشتريه.


^*^*^*^*^*^*^*^*^*^*^*^*^*^

مشيته تبقى خفيفه وقادر يدوس على الأربع اطراف بحرية


^*^*^*^*^*^*^*^*^*^*^*^*^*^

بوزه ومنخاره لازم يبقى رطب مش جاف وناشف خالص.


^*^*^*^*^*^*^*^*^*^*^*^*^*^

شعره (الوبر) يبقى فيه لمعة خفيفه كده وتبان مع الاضاءة...(زي مايكون شعره فيه زيت).




^*^*^*^*^*^*^*^*^*^*^*^*^*^

درجة حرارته مابين ال 38 والـ 38.8 بالكتيرقوي.




^*^*^*^*^*^*^*^*^*^*^*^*^*^

يكون داخل الأذن لون زهري كده فاتح...


^*^*^*^*^*^*^*^*^*^*^*^*^*^سنانه تكون بيضا..واللثة تكون زهرية


^*^*^*^*^*^*^*^*^*^*^*^*^*^

يكون جسمه منتصب وماسك نفسه بشكل قوي..لأن لو الكلب مقوس او جسمه مش منصوبكويس..ده يبقى عيب خلقي وتشوه..وده شيء مالهوش علاج أبدا..خاصة تشوهاتالهيكل العظمي وفقرات الظهر وتقوص الرجلين.


^*^*^*^*^*^*^*^*^*^*^*^*^*^

و أخيرا ان الكلب مايكونش أطرش...
وممكن تعرفها بأختبار بسيط...روح اقف ورا الكلب واسكت خالص...وفجأه اصرخ بصوت عالي او صفق بايديك جامد...وهايبان من ردة فعله.